بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

ۆيەتنامدا جاڭا تيپتى ايدارشا ۆيرۋستىڭ ءتۇرى وزگەرگەن قالامشاسىنىڭ قوسپاسى بايقالدى «اۋادا تەز ارادا تارالا الادى»

2021.05.31 13:41   كەلۋ قاينارى : حالىق تورابى



  5 – ايدىڭ 4 – كۇنى ۆنەتنامنىڭ حانوي قالاسىنىڭ كوشەسىندە كەتىپ بارا جاتقان جۇرت.

  ۆيەتنام دەنساۋلىق ساقتاۋ مينيسترلىگىنىڭ مينيسترى رۋان چيڭلۇڭنىڭ 5 – ايدىڭ 29 – كۇنى جاريالاۋىنشا، اتالعان ەلدە جاڭا تيپتى ايدارشا ۆيرۋس قالامشاسىنىڭ وزگەرگەن ءتۇرى بايقالعان ول وسىنىڭ الدىندا انگليا مەن ءۇندىستاندا بايقالعان ءتۇرى وزگەرگەن قالامشانىڭ قوسىندى ءتۇرى ەكەن.

  رۋان چيڭلۇڭنىڭ سول كۇنى ۆيەتنامنىڭ مەملەكەتتىك جاڭا تيپتى ايدارشا ۆيرۋستان ساقتانۋ – تىزگىندەۋ بەينە ەكراندى ماجىلىسىندە ايتۋىنشا، مۇنداي ءتۇرى وزگەرگەن قالامشا قوسپاسى «وتە حاۋىپتى»، تارالۋى اناعۇرلىم كۇشتى، اۋادا تەز ارادا تارالا الادى. جاڭادان بايقالعان بۇل ۆيرۋس قالامشاسىنىڭ قوسىندىسىنا ءالى ات قويىلماعان.

  «ۆيەتنام جەدەل اقپارات تورابىنىڭ» حابارلاۋىنشا، وسىنىڭ الدىندا ۆيەتنامدا جاڭا تيپتى ايدارشا ۆيرۋستىڭ 7 ءتۇرلى وزگەرگەن ءتۇرى بايقالعان، مۇندا ەڭ الدىمەن ءۇندىستاندا جانە انگليادا بايقالعان وزگەرگەن قالامشا دا قامتىلادى.

  ۆيەتنامدا بيىل 4 – ايدىڭ سوڭىندا جاڭا كەزەكتى جاڭا تيپتى ايدارشا ۆيرۋس ىندەتى تۋىلدى، استاناسى حانوي مەن وڭتۇستىك بولىگىندەگى حوچيمين قالاسى، ورتا بولىگىندەگى شيانگاڭ قالاسى قاتارلى ماڭىزدى قالالاردا جەرگىلىكتى ورىننان ناۋقاستار بايقالدى، سولتۇستىك بولىگىندەگى بەيجياڭ ولكەسىندەگى بەلگىلى ونەركاسىپ باقشاسىندا جاڭا تيپتى ايدارشا ۆيرۋسپەن كەڭ كولەمدى جۇعىمدالۋ جاعدايى تۋىلدى. ۆيەتنام اقپارات اگەنتتىگىنىڭ حابارلاۋىنشا، جەرگىلىكتى ۋاقىت بويىنشا 5 -ايدىڭ 29 – كۇنى ساعات 12 گە دەيىن، ۆيەتنامدا جەرگىلىكتى ورىننان جاڭا تيپتى ايدارشا ۆيرۋس وكپە قابىنۋ ىندەتىنە شالدىققان دەپ دياگنوز قويىلعانداردىڭ سانى جيىن 5213 ادام بولعان، مۇندا 4 – ايدىڭ 27 – كۇنىنەن بەرى جاڭادان ارتقان دياگنوزى تۇراقتاندىرىلعان جەرگىلىكتى ناۋقاستاردىڭ سانى 3643 ادام بولعان.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت